Om BKSF
Biletkunstnarane Sogn og Fjordane (BKSF) er ein fagorganisasjon for biletkunstnarar i Sogn og Fjordane.  BKSF er den minste av 20 grunnorganisasjonar i Norske billedkunstnere (NBK) og har idag 49 medlemmar.

Opptak i ein av grunnorganisasjonane gjer medlemskap i biletkunstnaranes fagorganisasjon Norske billedkunstnere, NBK.

I styret for BKSF 2011/2012 sit styreleiar Maria Hjelmeland og styremedlemmar Karina Siegmund og Lillian Samdal
Kontakt BKSF på e-post: mail (a) bksf.no
 
Opptakskriterier for BKSF

Opptak til medlemskap i BKSF skjer etter ei samla vurdering av
den kunstfaglege formal- og realkompetansen til søkjaren. Kriteria for medlemskap har som formål å sikre at medlemmane i organisasjonen er profesjonelle, yrkesaktive billedkunstnarar. Søkjaren må ha gjennomført utdanning innan billedkunst og/eller i sin praksis vise eit profesjonsnivå tilsvarende kompetanse på masternivå. Det vert gjort ei vurdering av søkjaren sin kompetanse etter fylgjande kriterier:

Kunstnerisk praksis / arbeid
Utdanning
Kunstnerisk aktivitet

Vi ber om at søknaden i si heilheit vert sendt digitalt til mail (a) bksf.no eller på CD/DVD til Biletkunstnarane i Sogn og Fjordane, C/o Karina Siegmund pb. 48 6961, Dale i Sunnfjord.
Dersom du sender søknaden per post, ber vi om at du legg alle filene inn på CD/DVD. Det er ikkje høve til å sende vedlegg på papir. 

Søknaden må innehalde fylgjande:

-5-10 bilete
-ev. video/lyd omlag 5 minutt
-Verksliste med tittel, teknikk, årstal, eventuelt anna teknisk informasjon
-Kortfatta tekst om arbeida som vert presentert
-CV 
 
Søknadsfrist 1. november.

Søknadar vert handsama av ein jury med representantar frå styret i BKSF og eksterne. Søkjarar får svar innan tre månader etter søknadsfristen. Utfallet av søknaden vert ikkje grunngjeve.